LEGAZPI CITY- Pigklaro kan Commission on Elections na pwedesir pang magsunad nin motion for reconsideration an mga naideklarang nuisance candidate kan ahensya.
Kun babalikan, sa ipinaluwas na partial list kan poll body sa pagka senador, 66 sana digdi an napabale mantang 117 an ipigdeklarang nuisance candidate.
Segun kay Atty. Johnrex Laudiangco, an tagapagtaram kan Comelec sa intrevista kan Bombo Radyo Legazpi, pigsara kan saindang law department an listahan kan mga nag file nin Certificate of Candidacy kun saen hinale duman nahiling an mga may lehitimong intensyon na magsunad sa eleksyon, gibuhon na mockery o katatawan lang an eleksyon asin pampalibong sana sa pirilian.
Dugang pa kan opisyal na kinakaipuhan na simbagan kan nuisance candidate an petition na pigsunad kan Comelec kun saen tatawan man sinda nin tyansa ngani na ipagtanggol an saindang mga sadiri.
Kun enkaso suboot na igwang mag apela sa paagi nin motion for reconsideration an maagi ini sa due process asin duman mahihiling kun pwedesir pang tanggapon kan poll body na sindan an mapabale sa final list of candidates.
Sunabi pa kan opisyal na susog sa batas, dae sinda pwedesir na magsayuma sa pag akseptar nin COC asin wara sinda poder para magreject nin balota alagad hihilingon ninda saro saro an qualifications kan nagkakandidato ngani na maaraman kun sisay an idedeklarang nuisance candidate.
Ssa maabot na Desyembre suboot ipapaluwas na kan Comelec san final list kan mga kandidato para sa 2025 midterm elections.
