LEGAZPI CITY — Kinumpirmar kan Commission on Elections (Comelec) Bicol na nakatalaan na kaolayon ni Comelec commissioner Antonio Kho Jr. an gabos na mayoralty candidates sa banwaan kan Daraga, Albay.
Segun ki Comelec Bicol Dir. Atty. Maria Juana Valeza sa intrevista kan Bombo Radyo Legazpi, enot nang binisita kan opisyal sa selda si Mayor Carlwyn Baldo asin personal na kinaolay katakod kan paparaning pirilian.
Nakatalaan man suboot na kaolayon ni Kho sa mga masunod na aldaw si Daraga Acting Mayor Victor Perete asin Gertie Batocabe na maribay sa kandidatura kan namaaram na si AKB Rep. Rodel Batocabe.
Pag-eksplikar ni Valeza, obheto kan lakdang kan opisyal na hagadon an kooperasyon kan mga ini ngani na masierto na magigon matrangkilo an paparaning May 2019 elections makalihis na maisairarom an banwaan sa Comelec control huli sa nairehistrong mga kadahasan sa lugar.
Mientras tanto, kinaolay na man kan ahensya an Special task force Daraga asin Sangguniang Bayan members kan banwaan ngani na ipaabot an guidance sa rules and regulations na kinakaipuhan na sundan para sa paparaning eleksyon.
