LEGAZPI CITY — Padagos man giraray an itataong security measures kan Albay Police Provincial Office dawa tapos na an barangay asin Sangguniang Kabataan (SK) elections.
Sa intrevista kan Bombo Radyo Legazpi ki Pol. S/Insp. Manny Ramos, tagapagtaram kan Albay PNP, matoninong man an pirilian susog sa general monitoring sa provincia maski na may nairehistrong election related incident.
Segun pa ki Ramos, na-facilitate man kan concerned police station an naging sitwasyon kun saen masunad na nin kaso sa imbweltong persona.
Daeng pundo man an serbisyong itatao kan PNP urog na sa Comelec checkpoints hasta Mayo 21 asin pagpapaotob kan Oplan Sita, Oplan Baklas siring man an monitoring sa vital installations.
En kasong mangaipuhan nin seguridad sa city and municipal treasurer’s office kun sain yaon an election materials, preparadong magresponde an kapulisan.
Mientras tanto, ipighayag man ni Ramos na padagos an monitoring kan PNP sa mga personang yaon sa narcolist na kun magpadagos sa pagkakaimbwelto sa iligal na droga, kakaipuhanon nang magkondusir nin drug operation kontra sa mga ini.
