LEGAZPI CITY-Mas naglangkaw an numero kan mga nagpaparehistro ngonian sa mga satellite registration kan Commission on Election (COMELEC) Bicol.
Segun kay COMELEC Bicol Regional Director Atty. Jane Valeza, sa intrevista kan Bombo Radyo Legazpi na nagin magayun an turn out kan registration asin nagabot sa humigit-kumulang 280,000 an nag-avail kaini.
Naabot naman suboot kan ahensya an saindang target na numero sa huring sampulong aldaw kan registration.
Kasunod kaini, pigeenganyar an gabos sa mga i-avail an saindang mga satellite registration.
Nakapag-libot naman sinda sa mga barangay asin eskwelahan kun kaya laoman na diit na sana an magpaparehistro.
Mas nag-improve man suboot an saindang serbisyo ngonian alagad nagin challenge suboot an pag-accomplish kan mga forms orog na sa mga kajovenesan.
Mientras tanto, sinabi kan opisyal na huring aldaw na kan pagpaparehistro sa maabot na Mayo 18, kaya dapat na aprobitsaran tulos ini kan mga namamanwaan.
