LEGAZPI CITY – Piglalaoman kan Commission on Elections Bicol na ngonian na aldaw maruso an mga nagin kandidato sa kakatapos pa sanang 2025 Midterm Election nganing magsumite kan saindang Statement of Contributions and Expenditures (SOCE).
Segun ki Commission on Elections Bicol Director Atty. Jane Valeza sa intrevista kan Bombo Radyo Legazpi na out of 2828 na rehistradong kandidato, 1346 pa sana an nagsumite o 47.6% mantang sa Camarines Norte an nairehistrong hibaba na nasa 28.6% asin an provincia kan Masbate an pinakahalangkaw na nagsumite na nasa 73.13%.
Nanindugan siya na final and non-extendable an pagsumite kan SOCE asin pasensyahan na sana enkaso dae makaabot an sisay man sa dae makasumite sa tamang oras.
Base man sa saindang obserbasyon kompara kan nakaaging taon, nagkaigwa nin pagbaba sa numero kan mga kandidato na nagsumite sa ibong kan saindang urualdaw na pagirumdom asin abiso.
Pigtaram pa kan opisyal na dae niya aram kun anong rason kan pagbantol kan nagsusumite ngonian kan gabos na kandidato alagad pwedesir na tinamad na an mga ini urog na su mga nadaog na mga kandidato.
Susog man sa saindang datos, may nasunadan na sinda nin perpetual disqualification asin iba pang election offense huli sa dae pagsumite nin SOCE sa magkaduwang sunod na pirilian.
Mahalat suboot sin da hasta taodtaod na hapon asin dae na sinda matao nin konsiderasyon enkaso may kandidatong dae makasumite huli ta bako sana ini an saindang pigtatrabaho sa laog kan komisyon.
Pagdoon ni Atty. Valeza na marikas man sana an proseso kan pagsumite kan SOCE forms basta’t syertuhon suboot na tama an saindang ginibo nganing dae mahampang sa magkakanigong reklamo.
 today.){kind=link}