LEGAZPI CITY- Nanindugan an Commission on Elections na magigin mahigot sa pag-akseptar kan certificate of candidacy hasta alas-5 ngunyan na hapon.
Segun ki Comelec Bicol Director Atty. Jane Valeza sa intrevista kan Bombo Radyo Legazpi na kinakaipuhan na masabutan kan mga aspirants an saindang mga polisiya huli sa dae amay na pagsusumiter nin kandidatura.
Bandang alas-4:45 nin hapon maglilista na an komisyon kan pangaran kan mga kandidato na nakapila na sa saindang mga opisina.
Uubuson sana an mga nakahabol hasta sa 5:00 o’clock deadline ngunyan na aldaw.
Kun pumatak suboot an alas-5 nin hapon na wara pa sa pila an mga aspirante, dae na pagbibigyan an mga ini na makapagsumiter kan saindang certificate of candidacy.
Paliwanag ni Valeza na wara ng rason an mga ini huli ta haros sarong semana an sinayang na panahon.
Napag-araman man na sa nakalihis na mga aldaw, igwang mga dokumento an ibinalik sa mga aspirante huli sa salang mga forms alagad kadaklan sa mga ini an marikas man na nabaguhan.
Marurumduman na nasa poco mas o menos 1,400 na mga pwesto sa bilog na rehiyon an naghahalat sa mga aspirante.
#The Vote 2025
