LEGAZPI CITY—Liwat na nagpagiromdom an Commission on Elections (COMELEC) Albay sa mga kandidato mapadapit sa pagbugtak nin campaign materials sa common poster areas ngunyan na papaabuton na eleksyon.
Segun sa pahayag ni COMELEC Albay Provincial Election Supervisor Atty. Aurea Bo-Bunao, na an mga common poster areas mahihiling sa barangay hall, barangay plaza o covered court, alagad tinawan-doon man kan opisyal na dapat magbugtak nin temporary structure sa naunambitang poster areas asin digdi ilalaag an campaign materials.
Pigtaram pa kaini na sa laog kan 72 oras na sinuratan ninda an sarong kandidato na tangkason an saindang illegal campaign paraphernalia alagad pag dae ini tinangkas, ‘presume’ suboot ini kan ley na kadsadiri ini kan sarong kandidato asin dae pwedesir na inigar ini.
Dugang kan opisyal na gigibuhon man ninda an siring na lakdang sa mga lokal na kandidato kun saen saindang tatawan nin notisya bago pa an karampanyahan sa mga lokal na kandidato para tangkason an saindang mga illegal posters.
Kairiba man kan saindang ahensya sa pagpaobserbar kan naunambitang operasyon an Philippine National Police, AFP, Department of Public Works and Highways, asin Department of Environment and Natural Resources.
Pig-eksplikar man kan opisyal na may magkakanigong padusa an siisay man an magbayolar sa saindang ipinaluwas na guidelines.
 Albay reminds the public about the proper common poster areas of the election's candidates. COMELEC official says that failure to comply may result in punishment such as disqualification.){kind=link}