LEGAZPI CITY – Dapat suboot abangan an comeback live performance kan saro sa 12 finalists kan ikatulong Nationwide Bombo Music Festival.
Ini an ikaduwang beses na pagbali asin pagigin finalist ni Winset Rose Hacot na tubong Cagayan De Oro City sa nasabing songwriting competition kaya magkahalong kaogmahan asin super excitement na suboot an namamatian.
Sa intrevista kan Bombo Radyo Legazpi, ipigheras kaining siya man giraray an magigin interpreter kan sadiring composong kanta na may pamagat na “Kung Mahal Mo Siya”.
Haloy naman suboot si Hacot na nagsusurat nin kanta alagad nasa limang taon na an nakakalihis kan punan na ibali an mga ini sa songwriting competition.
Ibang kaogmahan man suboot an hatod kun nadadangog an ginibong mga kanta na pigko-cover man kan ibang artist.
Napag-araman pa na duwang kanta ni Hacot an nakalaog sa semis kaya nakakataba man suboot kan puso na na-appreciar an mga obra.
