Pigtuyaw kan Commission on Audit (COA) an hababang paggamit kan pondo para sa Medical Assistance to Indigent and Financially Incapacitated Patients Program (MAIFIP) kan Department of Health (DOH) kan 2024.
Kabali sa mga rason an mabantol o pagka-octaba sa pagluwas kan mga pondo, unliquidated transfers, asin bako pare-parehong aplikasyon kan programa.
Napag-araman kan mga auditor an P3.013 bilyones na dai nagamit, partikular na sa mga Centers for Health Development sa Western Visayas, Central Visayas, Mimaropa, asin Eastern Visayas, huli sa late fund transfers, bako kompletong mga dokumento, asin kakulangan nin mga staff.
An MAIFIP nagtatao nin tabang pinansyal sa mga pasyente na dai kayang magbayad, kabali an mga bulong, konsultasyon, tests, piling surgeries, asin post-hospitalization care.
Sa ibong kan isyu, inaprobaran kan bicameral conference committee an P51-billion na budget para sa programa, mas halangkaw pa sa P29 bilyon kan Senado, alagad nagdududa an nagkapirang mambabatas huli sa posibleng pork-like nature asin political influence kaini.
Katakod kaini, inabisuhan kan COA an DOH asin pasilidad na parikason an pagpapaluwas nin pondo, dagdagan an staffing, mag-implementar nin liquidation, asin magsunod sa guidelines kan MAIFIP.
 has criticized the low utilization of funds for the Medical Assistance to Indigent and Financially Incapacitated Patients Program (MAIFIP) by the Department of Health (DOH) in 2024.){kind=link}