Plano kan grupong Kilusang Makabansang Ekonomiya (MKE) na maglansar nin “People’s Court” kasabay kan posibleng impeachment trial ni Bise Presidente Sara Duterte sa Senado.
Segun ki Jaime Regalario, chairman kan MKE, obheto kaini na maigot na mabantayan kan publiko an dalagan kan evidencia asin hustisya.
Obheto kan grupo na magkaigwa nin sadiring hearing sa laog kan compound kan Senado asin plano nindang paki-olayan si Senate President Tito Sotto para sa puwesto digdi.
Segun ki Regalario, makuwa sinda nin kopya kan mga ebidensya hale sa Senado nganing ipresentar man sa saindang forum na aatenderan kan manlaen-laen na sektor asin mga retiradong mahistrado arog ninda dating Chief Justice Maria Lourdes Sereno asin Reynato Puno.
Depensa kan grupo na bako ini “kangaroo court” kundi sarong lehitimong paagi nin partisipasyon kan namamanwaan sa paghagad nin paninimbagan.
Maserbi suboot ining “balance” sa desisyon kan Senado enkaso dae ini magkapareho sa katotoohan na ihinayag kan sadiri nindang pag-analisar.
 group plans to launch a "People's Court" in conjunction with the possible impeachment trial of Vice President Sara Duterte in the Senate.){kind=link}