Tinugutan kan korte sa London si Chris Brown na makapagpiyansa nin $6.7 million nganing maipagpadagos an saiyang world tour sa ibong kan serious assault na pigkakahampang niya.
Naarestar si Brown sa Manchester kan Mayo 15.
Makalihis an pirang aldaw, tinugutan siyang makalaya makalihis magbayad nin 4 million pounds asin kadugangang 1 million pounds sa laog kan pitong aldaw.
Bilang parte kan kondisyon, kaipuhan niyang isuko an saiyang pasaporte afuera na sana kun siya an maglalakbay para sa saiyang tour.
Nakatalaang magpoon an saiyang “Breezy Bowl XX” tour sa June 8 sa Amsterdam, na parte kan pagselebrar kan ika-20th anniversary kan saiyang music career.
An masunod niyang pagdangog sa korte an ipigbugtak sa Hunyo 20 sa Southwark Crown Court sa London.
