Sinabi kan Philippine Coast Guard na nasa 40 mga barko an pig-deploy kan China sa Sabina shoal, kaibanan na an tulong warships gani na pugulan an humanitarian mission kan Pilipinas.
Segun ki Philippine Coast Guard spokesperson for the West Philippine Sea Jay Tarriela na anom na barko kan China Coast Guard, tulong People’s Liberation Army Navy ships, asin 31 Chinese maritime militia vessels an pinalakop durante kan misyon para sa BRP Teresa Magbanua.
An iba sa nasabing mga barko an huminarag sa mga barko kan ahensya na BRP Cabra asin BRP Cape Engaño ngani na dae makarani sa BRP Teresa Magbanua.
Huli digdi, nagpalyar an paghahatod nin supplies kaibanan na an para kuta sa pagtataong honra para sa National Heroes Day.
