Nakapagrehistro si Nikola Vucevic nin 29 points asin 12 rebounds ngani na pangenotan an Chicago Bulls na madaog an Detroit Pistons, 122-112.
Nag-ambag man sinda Zach LaVine asin Coby White nin 25 points para sa Bulls mantang si Josh Giddey an nakapagrehistro nin 11 points, 10 assists asin walong rebounds.
Nalimitaran kan Bulls an Pistons sa 42.9 % shooting.
An Chicago man an igwang 48.4 percent shooting asin naipalaog an kabanga sa 46 na 3-point attempts.
Sa ibong na lado, pinangenotan man ni Cade Cunningham an Pistons sa paagi kan saiyang 26 points asin 10 assists.
