LEGAZPI CITY-Nagpaabot nin tagos sa pusong pagpapasalamat an Presidente kan Catholic Bishops’ Conference of the Philippines (CBCP) na si Most Rev. Gilbert A. Garcera sa gabos na mga nagdadangog asin nagaantabay sa Bombo Radyo asin Star FM para sa pagselebrar kan Kapaskuhan.
Sa saiyang mensahe, tinawan doon ni Archbishop Garcera an importansya kan pagselebrar kan Kapaskuhan, asin nagpagirumdom na padagos na ibarewas an kabootan sa puso kan kada saro asin magserbing giya sa pangurualdaw na pamumuhay.
Pigeenganyar man an mga namamanwaan na isabuhay an mga pagtatao nin importansya na nagdadara nin katoninongan, katarungan, asin herak kan Diyos sa kanya-kanyang komunidad.
Dugang pa kan opisyal na sa tahaw kan mga angat sa ngoian na panahon, importante an pagmamantenir kan bilog na pagtubod asin pagmalasakit sa kapwa ngani mapagdanay an pagkasararo asin paglaom sa sosyedad.
Sa pagtatapos kan saiyang menshae, ipinaabot ni Most Rev. Garcera an tagos sa pusong pagmawot nin sarong mapalad na Kapaskuhan sa gabos, na lugod magin makahulugan asin pano nin biyaya an pagselebrar kan pagkamundag kan Kagurangnan.
