LEGAZPI CITY- Pinaglalaoman na dakulang tabang sa pagtalubo kan ekonomiya, political stability asin pagkakasararo an pagkaka deklarar sa provincia kan Catanduanes bilang communist terrorist group influence and affectation free.
Segun ki Catanaduanes Police Provincial Office Spokesperson Police Major Rosalinda Gaston sa intrevista kan Bombo Radyo Legazpi na nag-agi sa halawig na proseso antes naabot an nasabing deklarasyon.
Inomaw man kan opisyal an dakulang partisipasyon kan Philippine Army, intelligence community asin iba pang stakeholders puon kan 2014.
Napag-araman kaya na duwang grupo nin mga communist terrorist group an binantayan kan mga otoridad sa provincia kan nakalihis na mga taon.
Huli digdi, pinaglalaoman na sa paagi kan nasabing deklarasyon pinaglalaoman an stable internal peace asin seguridad sa island province.
Sinierto man ni Gaston na dae nagpapaka kampante an mga otoridad asin nagtetenir na makapag matyag.
Dugang pa kaini na mahigot man liwat an koordinasyon kan mga kapulisan sa Philippine Army asin iba pang stake holders urog na ngunyan na nagdadangadang na an pirilian sa masunod na taon.
