LEGAZPI CITY- Welcome development para sa Catanduanes an pagko-construir kan pigsasabing pinakadakulang base kan Philippine Coast Guard sa banwaan kan Bagamanoc para sa pinahigot na monitoring sa Benham Rise o pig-aapod man na Philippine Rise sa Dagat Pasipiko.
Sa intrevista kan Bombo Radyo Legazpi ki Governor Joseph Cua, dapat sanang bantayan an mga nasa teritoryo kan nacion mantang wara pang nag-aaligid na mga dayuhan siring kan sa Scarborough Shoal asin West Philippine Sea.
Bilang “nearest point” sa Philippine Rise, target na i-revive an dati nang naval base sa Panay Island, sarong islet na sakop kan Bagamanoc na ipigtugdok kaitong 1953 kan US Coast Guard bilang coast guard base na Long Range Radar (LoRan)-Bagamanoc.
Nagsagibo naman nin aerial inspection sa lugar sinda Transportation Secretary Arthur Tugade, Civil Aviation Authority of the Philippines director general Captain Jim Sydiongco asin mga high-ranking officials ng Philippine Coast Guard asin Philippine Navy.
Mientras tanto, ipigheras man ni Cua na mantenidong silencio an pagsisira sa โKalipung-awanโ o lokal na apod sa Benham Rise na 12-hour boat ride sana an distansya sa Catanduanes.
