Tinawan nin Medal of Excellence kan Senado si Pinoy Gymnast Carlos Yulo kasunod kan pagkakasungkit nin duwang bulawan na medalya durante kan Paris Olympics.
Marurumduman na personal na nagpasiring sa Senado si Yulo kaibanan an iba pang mga Filipino athletes.
Afuera sa pagbisto, makakaresibe man si Yulo nin P3 million cash incentives.
Personal na itinao ni Senate President Francis ‘Chiz’ Escudero an Medal of Excellence na enot na nakuwa ni Pinay weightlifter kan manggana ini nin gold medal sa Tokyo Olympics.
Nakaresibe man nin tig-P1 million sinda Pinay boxers asin Olympic bronze medalist Nesthy Petecio asin Aira Villegas.
Igwa man na apat na resolusyon na ipinasar an Senado kan plenary sessions ngani na magpaabot nin pagbati kinda Yulo, Villegas, Petecio asin sa bilog na Philippine team, Philippine Olympic Committee asin Philippine Sports Commission sa saindang matrayumpong kampanya sa nasabing sporting event.
