Nagtetenir bilang hadi kan floor exercise si Carlos Yulo makalihis na manggana ini nin bulawan sa nasabing event sa Asian Gymnastics Championships ngunyan na taon sa South Korea.
Nangenot an two-time Olympic gold medalist na si Yulo sa walong finalists na may score na 14.600 nganing pangenotan an finals.
Ini an ika-apat na sunod na taon ni Yulo na nanggana nin bulawan sa floor exercise huli ta nanggana na man ini kan 2022, 2023, 2024 na edisyon.
Kun saen an saiyang panduwang medalya sa edisyon ngunyan na taon an naguno niyang bronze sa individual all-around kan Huwebes.
Nanggana man nin bulawan si Yulo sa nasabing event sa Paris Olympics kan nakaaging taon.
Nagsabak man si Yulo sa still rings finals alagad nagtapos sa ikapito sa iskor na 13.233.
Mientrastanto, nakatalaang masabak sa Domingo, si Yulo sa vault, horizontal bar, asin parallel bars finals.
