Pormal nang inako ni Luis Antonio Cardinal Tagle an saiyang Titular Diocese, an Suburbicarian See of Albano, sa sarong solemne seremonya sa Albano, Italy kan dominggo nin aga (Sabado nin banggi sa Italya).
Sa paagi kan sarong Papal Bull hale kay Pope Leo XIV, ipighayag kan Santo Papa an pagdesignar kay Cardinal Tagle, bilang pagbisto sa saiyang katalinuhan, katapatan, asin masigasig na pagseserbi bilang Pro-Prefect ng Dicastery for Evangelization.
Napag-araman na an Albano an saro sa pitong sinaunang suburbicarian dioceses sa palibot kan Roma na kalimitang ipig-aalokar sa mga Cardinal Bishops, an pinakahalangkaw na ranggo sa College of Cardinals.
Present sa nagin seremonya an lokal na obispo kan Albano na si Bishop Vincenzo Viva, mga padi, asin miyembro kan Filipino community sa Roma.
Segun sa Pontificio Collegio Filippino, tulong obispo, duwang kardinal, asin labi sanggatos na padi an nag-atendir sa Misa.
An pagdesignar kay Cardinal Tagle an nangyari makalihis na mabakante an puwesto kan idesignar si Cardinal Robert Prevost bilang Pope Leo XIV kan Mayo.
Pormal na ipinagdesignar kay Tagle an Albano kan Mayo 24, bilang kapalitan kan presenteng Santo Papa sa nasambitang titulo.
Magigirumduman na si Cardinal Tagle an enot na ginibong Cardinal Bishop ni Pope Francis kan 2020.
.){kind=link}