Nagpatanid an Civil Aviation Authority of the Philippines (CAAP) sa posibleng pagbagsak nin delikadong debris gikan sa inilansar na rocket kan China.
Naenot nang inireport kan Philippine Space Agency (PhilSA) na inilansar kan China an Long March 8A rocket gikan sa Hainan Commenrcial Launch Site sa Wenchang, Hainan kan Miyerkules, Hulyo 30.
Katakod kaini, epektibo an inisyung notice to airmen (NOTAM) kan CAAP sa Agosto a-4 puon alas-6:14 nin hapon sagkod alas-6:42 nin hapon.
Sakop digdi an lugar na nasa 40 nautical miles (NM) gikan sa timog-silangan kan Puerto Princesa Airport gikan sa surface level sagkod sa unlimited altitude.
Inaabisuhan man kan ahensya an mga airline asin mga piloto na ibitaran an mga designated area na posibleng pagbagsakan kan rocket debris sa itinakdang oras asin aldaw.
An mga itinalagang drop zones an nasa 120 nautical miles gikan sa Puerto Princesa, Palawan asin 42 nautical miles gikan sa Zamboanga City, Zamboanga Del Sur.
Pig-abisuhan man an publiko enkaso mahiling an debris kan rocket na pwedesir maanod asin mapadpad sa mga kataning na baybayon an ipagtaong-aram ini sa mga lokal na awtoridad asin ibitarang magkaigwa nin direktang kontak huli sa delikadong kemikal kaini.
 has warned of the possible fall of dangerous debris from a Chinese rocket launch.){kind=link}