LEGAZPI CITY – Pinagmamalaki ngayon ng Bicol University (BU) ang isa sa mga graduate ng pamantasan matapos nitong makuha ang rank 9 sa resulta ng July 2024 Master Plumbers Licensure Examination .
Sa official account ng unibersidad, binabati nito si Engr. Dave Joseph Mendiola ng Bicol University College of Engineering matapos makakuha ng 85.50% rating sa exam na rason ng pagiging topnotcher nito.
Samantala, nakuha ng BU-Legazpi ang 63.03% passing rate kung saan 70 ang mga licensed plumers na ngayon mula sa institusyon at ang BU College of Industrial Technology nakakuha ng 60.00% habang nakapasa naman ang kaisa-isang nag exam mula sa BU Tabaco Campus.
Matatandaan na sa kakalabas pa lang na resulta mula sa Professional Regulation Commission may kabuuang 2,936 mula sa 6,191 ang pumasa sa pagsusuri katumbas ang 47.43% national passing rate.
