LEGAZPI CITY – Pighihiling kan nagkapirang estudyante kan Bicol University na nagbabalik na sa normal an sitwasyon kan saindang unibersidad makalihis an nangyaring insidente sa pagpopoon kan saindang sports olympics.
Magigirumduman na sinuspendi an pakawat huli ta kadakol na mga freshmen asin sophomores an nadifisilan sa paghangos asin nadismayo huli sa colored bomb na ginamit sa BU Hataw na parte kan taunang aktibidad.
Segun ki BU Polangui Student Athlete Jarckov Yael General sa intrevista kan Bombo Radyo Legazpi na maski sinda an dae nakaligtas sa maraot na parong kan pampa-aso.
Napapanahon an suspensyon kan pakawat nganing matawan doon kan presenteng administrasyon kan unibersidad na maraot an paggamit kan colored bomb sa salud kan mga estudyante.
Lesson leaned na suboot sa gabos an maraot sa salud an paggamit kan mga nasambitang pampa-aso asin tama na an paggamit kan mga confetti nganing magdugang excitement o props sa mga aktibidad kan mga estudyante.
Sa presente an nagpapadagos na an mga kawat na parte kan BU Olympics makalihis na tanggalon kan manhamiento an suspensyon.
Mensahe ni General sa mga kapwa niya estudyanteng naapektaran sa nasambitang insidente an gamiton an aldaw na warang klase nganing magpahingalo.
