Pigsugo kan Bangko Sentral ng Pilipinas (BSP) an mga bangko na tanggapon an mga “unfit” o “mutilated” na kwarta hale sa publiko.
Segun sa BSP, an mga papel na banknote asin polymer an ipigtuturing na “unfit” kun ini an maati, luma, may mantsa, kupas an imprenta, o may nakasurat.
Mientrastanto, an mga “mutilated” na kwarta an may pinsala arug kan pagkasulo, luho, o nawawarang parte nin huli sa insekto, kemikal, matinding init, o iba pang kawsa.
Nakabugtak sa BSP Circular No. 829 na iniluwas kan 2014 na an mga “unfit” na kwarta an dae na dapat ipalakop giraray alagad pwedesir ipagpalit o ideposito sa arin man na bangko.
An mga bangko an pigsusugong tanggapon an mga “mutilated” na kwarta para sa pagsusuri kan BSP nganing maaraman an kantidad kaini.
An pagpapalit kan mga “unfit” na kwarta sa malinig asin maray na kwarta an warang bayad.
 has ordered banks to accept "unfit" or "mutilated" money from the public.){kind=link}