LEGAZPI CITY- Inuyunan ni Albay Second District Rep. Joey Sarte Salceda an pagtatao nin mas magabat na penalidad sa mga bangko katakod kan mga nanonotaran na error sa sistema kan mga ini.
Sa social media post kan nasabing lehislador, pinunto ni Salceda an pag-imposar kan Bangko Sentral ng Plipinas nin padusa sa mga bangko huli sa computer glitches, human error o na-hack na system tangarig suboot na mapugulan an huma na katakod kan financial stability.
Suheston kaini, mag-invest an mga bangko sa mga mas matibay na personahe asin pusog na information technology.
Tinawang-duon pa ni Salceda na an BSP an igwang poder sa mga bangko mientras na an congressional oversight an dapat na magin first line of defense.
Enot naman na ipighayag kan kapwa Bicolanong lehislador asin Senate Committee on Banks, Financial Institutions and Currencies chair Senator Francis Escudero an pag-iimbestigar sa nangyaring glitch sa sistema kan Bank of the Philippine Islands (BPI).
