LEGAZPI CITY- Pig-iimbestigaran na ngonian kan mga otoridad an dapit sa pagkakadiskubre kan wara nang buhay na barangay official sa Brgy. Pacogon, San Miguel, Catanduanes.
Binisto ining si Brgy. Kagawad Edison Morales, 58-anyos, saro nang balo asin residente kan nasabing lugar.
Susog sa inisyal na imbestigasyon kan mga otoridad, mismong an tugang kaining si Perfecto Morales Jr. an nakahiling sa lawas kan opisyal kan barangay na nakabigti sa puon nin langka gamit an sarong nylon cord.
Padagos pa man na pig-aaram an posibleng motibo kan nasabing persona tangarig na magdesisyon na tapuson na an buhay.
Sa ibong na lado, dinara naman an bangkay kaini sa punerarya para sa isasagibong post mortem examination.
