Naimbwelto sa aksidente sa Nigeria si dating heavyweight boxing champion Anthony Joshua.
Segun sa Nigeria Federal Road Safety Corps na limang kalalakihan an naimbwelto sa aksidente sa Lagos-Ibadan Expressway.
Sa nasabing aksidente, duwang indibidwal an binawian nin buhay.
Nagsapar nin minor injuries si Joshua makalihis na makabanggaan kan saiyang behikulo an saro pang behikulo.
Nagpapadagos man an ipigkokundusir na imbestigasyon kan mga otoridad dapit sa nangyaring aksidente.
Basado sa inisyal na impormasyon na marikas an dalagan kan behikulong piglulunadan kan boksingero na si Joshua asin nawaran ini nin kontrol kan mag overtake hasta sa bumangga sa saro pang behikulo na nakaparada sa gilid kan tinampo.
