Pigbuyagyag ni Senator Bong Go na hinalian man siya nin security detail antes pa man an ginibong paghali sa mga security ni Vice President Sara Duterte.
Sinabi kan senador na naenot pa siyang halian nin security kaysa sa bise presidente.
Katakod kaini, nagpahayag nin pagkahadit si Bong Go huli ta bilang senador suboot na nagpapasiring sa manlain lain na parte kan Pilipinas, dae mahahali an huma sa saindang buhay.
Marurumduman na enot na kayang tinuyaw ni Vice President Sara an pag pull out kan Philippine National Police sa 75 na mga kapulisan na nagseserbi niyang security detail, na inapod kaining political harassment.
Mientras tanto, nagpagirumdom man si Go sa mga kapulisan na dae magpagamit sa anuman na political agenda.
