LEGAZPI CITY- Pigtutubudan na gikan pa sa mga soldados kan World War II an nadukayan na bomba sa Brgy. Nursery syudad kan Masbate.
Sarong concerned citizen an nagpaabot kan impormasyon sa Masbate CPS dapit sa nadiskubreng pampasabog sa may pampang kan dagat.
Tulos man na nagresponde an mga tauhan kan nasambitan na pulisya asin Masbate Provincial Public Safety Company, kaibanan si PSINSP Alvaro Venatabal na sarong bomb technician kan Masbate CPS.
Digdi ninda nadiskubre na sarong vintage bomb an nahiling na pampasabog na pigtutubudan na nawalat pa kan gyera.
Dinara an vintage bomb sa istasyon kan pulisya asin itu-turn over sa Masbate Regional Police Office para sa magkakanigong disposisyon.
