LEGAZPI CITY — Dead on the spot si Sorsogon 1st District Board Member Pedro “Peter” Ravanilla, 64-anyos makalihis na pagbabadilon kan dae pa nabibistong mga suspetsado sa Barangay Pangpang, Sorsogon City.
Sa impormasyon na naguno kan Bombo Radyo Legazpi, napag-araman na nasa tangod kan saiyang pigpapa-irahay na establisyemiento si Ravanilla kaibanan an foreman kan biglang magdulok saiya an duwang lalaki na lunad nin motor.
Base sa testimonya kan nasambitan na foreman, kinaolay pa kan mga suspek an opisyal antes nagbulnot nin badil an saro sa mga ini asin tulong beses na pinaputukan an biktima.
Nagsapar nin tama nin bala sa pandok asin payo si Ravanilla na nagresulta sa saiyang tulos na pagSorkagadan.
Antes an nangyaring pambabadil, pigsasabing igwa nin kaolay sa cellphone an bukal.
Palaisipan pa sagkod ngunyan kun ano an motibo sa krimen ngunyan na pigsasabing maboot man an ginadan na opisyal.
Sigon sa mga nakahiling sa insidente, nakasulot nin kolor yellow na bado asin itom na kalo an gunman na tulos na nagdulag pasiring sa direksyon kan Sorsogon Doctor’s Hospital.
Sa ngunyan, padagos an pagsagibo nin pursuit operation kan Sorsogon City Police para sa ikaaarestar kan mga suspek.
