LEGAZPI CITY – Welcome development para sa Bureau of Jail Management and Penology (BJMP) kun ipapasairarom giraray sa pangangataman an provincial asin district jails.
Ini an katakod kan proponidong ley sa Kongreso na kamawotan an nasabing lakdang.
Segun ki JS/Insp. Joseph Lucila, tagapagtaram kan BJMP Bicol sa intevista kan Bombo Radyo Legazpi, preparado sinda na mag-ako nin responsibilidad kun kakaipuhanon an tabang.
Parte man suboot ini kan pagkakaburunyog na dapat pigsusuportaran kan komunidad.
Kumpiyansa man si Lucila sa expertise kan mga personahe sa paghandle kan mga Persons Deprived of Liberty (PDLs).
Sa ibong kaini, nilinaw man kan opisyal na dae man ipigpapasipara an kakayanan kan mga lokal na gobierno sa pagmanehar kan pasilidad.
Magigirumduman na enot naman na ipigsuhestiyon kan Philippine Drug Enforcement Agency (PDEA) an nasabing lakdang tangarig na macurtar an problema sa iligal na droga.
Nakakaag sa Local Government Code na an provincial jails an nasa irarom kan pangangataman kan provincial government.
