Pormal nang nagsunad nin kaso an OPM girl group na BINI, kaiba an saindang abogadong si Atty. Joji Alonso, laban sa sarong indibidwal katakod kan suboot pagbalgar sa Cybercrime Prevention Act asin “unjust vexation”.
Isinunad an reklamo kan Lunes, Agosto 18, 2025, sa Hall of Justice sa Sta. Rosa, Laguna.
Nagpuon an reklamo gikan sa sarong pinahalipot na video kan BINI mantang nagkakaon nin street food.
Segun sa abogado, pinutol an orihinal na 25-minutong video asin ginibong 2 minuto sana, kun saen puro negatibong reaksyon an ipinahiling.
Huli digdi, nagkawsa ini nin salang impresyon sa publiko.
Huli sa nasabing video, nakaeksperyensya suboot an mga miyembro kan BINI nin matinding online bashing, pagbabanta, asin personal na paninirang puri na nakaapektar sa saindang mental asin emosyonal na kamugtakan.
Dugang ni Alonso, an lakdang na ini kan BINI an mensahe kontra sa online bullying asin pangraraot—na panahon na nganing mapundo an siring na klase nin pang-aabuso online.
Kun mapatunayang nagkasala, an respondent an pwedesir makarsel nin anom sagkod 12 taon. Naghahagad man an lado kan BINI nin danyos na P1 million para sa kada miyembro kan grupo.
