LEGAZPI CITY- Nagpahayag nin suporta an Legazpi Schools Division Office sa lokal na gobierno katakod kan nakatalaan na pag-host kan ciudad sa 2024 Private Schools Athletic Association.
Isasagibo an aktibidad sa Hulyo 22 hanggang 26 sa presenteng taon.
Segun ki Legazpi Schools Division Office head Francisco Dexter Sison sa intrevista kan Bombo Radyo Legazpi na kasabay an saindang mga lado sa mga pigkokundusir na preparasyon.
Napag-araman na nagpaluwas na man nin memorandum order na kinakaipuhan na maihanda na an mga eskwelahan na magseserbing billeting center.
Pinaglalaoman kaya na maabot sa poco mas o menos 10,000 an mga partisipante sa nasabing aktibidad.
Dugang pa ni Sison na naka-activate na man an iba pang mga stakeholders ngani na masierto an seguridad kan mga partisipante.
