LEGAZPI CITY—Naghalangkaw nin 4.1% an inflation rate kan rehiyon kan Bicol ngunyan na Marso 2026.
Segun ki Philippine Statistics Authority Bicol Officer in Charge Chied Statistical Specialist John Rey Merjilla, an primerong nag-ambag sa overall inflation kan Marso sa Bicol an housing, water, electricity, gas and other fuels na may 6.8% inflation rate na may percent share na 27.5—na kun sain nakapag-ambag sa inflation kaini an rental asin electricity.
Ikaduwa an food and non-alcoholic beverages na may 2.2% inflation rate asin percent share na 23.7, kabale na digdi an fish and other seafood, fruits and nuts, cereals and cereal products.
Mantang ikatulo na primerong nag-ambag sa overall inflation kan Marso an restaurants and accomodation services na may 9.6% inflation rate asin percent share na 15.5.
Afuera digdi, top 5 contributors sa March 2026 inflation an restaurants, cafe and the like, rentals, gasolina, kuryente, and other pelagic fish.
Mientrastanto, nakapagrehistro nin pinakahalangkaw na inflation sa Bicol kan Marso an provincia kan Camarines Norte asin Sorsogon na parehong may 4.4%; mantang may pinakahibaba an Catanduanes na may 3.0% inflation rate.
Sinabi man kan opisyal na gabos na provincia sa rehiyon an mas naghalangkaw an inflation rate kan Marso kumpara kan nakalihis na Pebrero 2026.
