LEGAZPI CITY – Nasa 10 an nadugang sa mga panibagong nagpositibo sa COVID-19 sa Bicol.
Susog sa huring datos kan Department of Health Center for Health and Development (DOH-CHD) Bicol, uminabot na sa 3,079 an kabilugang kaso kan virus kun sain 512 an aktibo.
Sa nasabing datos duwa an nairehistro sa Albay kun sain tigsaro sa ciudad kan Legazpi asin Tabaco.
Lima man an nadugang sa Camarines Sur kun sain tigsararo sa Pamplona, ciudad kan Naga asin Iriga mientras na duwa man sa Pili.
Nakapagrehisto man nin tulong kaso an Sorsogon partikular na sa banwaan kan Bulan, Juban, Magallanes na tig-sararo.
Wara man nin nadugang na kaso sa provincia kan Catanduanes, Masbate asin Camarines Norte.
Uminabot naman sa 2,436 an mga nagrahay sa virus huli sa apat na new recoveries.
Dae man nadagdagan an mga binawian nin buhay huli sa virus kaya mantinido sa 131 an COVID-19 related deaths sa rehiyon.
