LEGAZPI CITY-Nakapag-deploy nin Special Rescue Force K-9 Unit an Bureau of Fire Protection Region 5 sa Cebu para sa disaster response.
Segun kay Bureau of Fire Protection Region 5 Operation Division and Concurrent Chief Fire Superintendent Emily Dona, sa intrevista kan Bombo Radyo Legazpi na basado sa direktiba kan national offices, an nakapag-deploy sinda sa region 7 partikular na sa Cebu nin 20 man team hale sa saindang ahensya.
Kairiba digdi an 10 K-9 search and rescue handles, 10 K-9 dogs asin personnel vehicles.
Kaipuhan suboot ini para sa pag-kondusir nin search, rescue and retrieval operation huli sa posibilidad na may mga buhay pa sa mga nabagsakan nin mga imprastraktura sa lugar.
Dagdag pa kan opisyal na an mga K-9 assets an trained na para sa paghahanap nin mga tawo na importante suboot ngani mahanap an mga posibleng survivor o dead bodies.
Afuera digdi, an pigpapadara man suboot an saindang unit para sa iba pang retrieval asin relief operations para sa disaster preparedness.
Mientrastanto, pigsisierto man kan ahensya an saindang disaster preparedness ngani makapagresponde sa anumang klase nin kalamidad.
