LEGAZPI CITY- Arestado an sarong aktibong miyembro kan Bureau of Fire Protection sa ikinasang buy bust operation kan mga otoridad sa banwaan kan Baleno, Masbate.
Segun ki Masbate Police Provincial Office Spokesperson Police Captain Estrella Torres sa intrevista kan Bombo Radyo Legazpi na an suspek an kaibanan sa high value target individuals kan lugar.
Napag-araman na haloy ng pigmamanmanan an nasabing persona antes ikondusir an operasyon kontra iligal na droga.
Basado sa inisyal na imbestigasyon na labi sa sampulong taon na an serbisyo kan suspek sa Bureau of Fire Protection asin na-promote na man sa serbisyo.
Segun ki Torres na makapang hinayang na sinayang sana kan nasabing drug personality an saiyang propesyon.
Sa presente pighahanda na man an mga kasong kakahampangon kan nasabing persona para sa magkakanigong posiyon.
Kaibanan didgdi an administrative case na isusunad man kan BFP.
