Pwedesir na masunod na iimbestigaran kan International Criminal Court (ICC) sinda Senador Ronald “Bato” dela Rosa asin Senador Christopher “Bong” Go mapadapit sa pagkakadawit ninda madugong giyera kontra droga kan administrasyon ni dating Presidente Rodrigo Duterte.
Sinabi ni ICC Assistant to the Counsel Atty. Kristina Conti na sigurado siyang si Dela Rosa an masunod na susunadan nin kaso asin posibleng madamay si Go.
Si Dela Rosa an naging hepe kan Philippine National Police (PNP) asin naging chief implementor kan war on drugs kan Duterte administration.
Puon kan taramon ni Ombudsman Jesus Crispin Remulla na may kopya na siya kan arrest warrant ni Dela Rosa gikan sa ICC, kun saen dae na naglaog sa Senado an senador.
Kun maarestar asin makukulong sa ICC sinda Dela Rosa asin Go, sinabi ni Conti na mawawaran nin posibleng running mate sa 2028 presidential elections si Vice President Sara Duterte.
