LEGAZPI CITY – Nagpasalamat an mga opisyales kan Barangay Lapu-Lapu, Legazpi City makalihis na magin benipisyaryo an saindang lugar sa isasagibong mall voting para man sa paparaning 2025 Midterm Elections.
Segun sa Karen Kanon, an kapitan kan naunambitang Barangay sa intrevista kan Bombo Radyo Legazpi na maugma siya nin huli ta saro an saindang lugar an napili kan Commission on Election.
Huli kaini, magigin well-ventilated man an saindang pagbobotohan na makakatabang para sa may mga kamatean asin may mga edad na.
Dae na man ninda poproblemahon an transportasyon nin huli ta dati an nagpapamasahe pa sinda nganing makaduman sana sa saindang mga voting precints.
Pigtaram pa kaini wara na man rason nganing dae na makaboto nin huli ta pigrani na sainda an mga pagbobotohan.
Malilikayan man an aberya nin huli ta may naka standby na genset enkaso magkaigwa nin power-interuption.
Pigsyerto man ni Kapitan Kanon na handa an saindang mga konseho na magtabang sa saindang nasasakupan dawa magkakaiba an mga pulitikong pigsusuportaran.
