LEGAZPI CITY – Wara pa nin malinaw na impormasyon an mga otoridad dapit sa motibo sa paggadan sa kapitan kan Barangay Libertad sa banwaan kan Uson, Masbate.
Binisto an mga biktima na sinda Barangay Cap. Leny Bon asin agom kaini na si Mario Bon.
Sa nagunong impormasyon kan Bombo Radyo Legazpi, pauli na an mga biktima lunad kan saindang motorsiklo hale sa Aurora kan bigla na sanang pagbabadilon kan dae pa nabibistong suspetsado.
Huli sa tama nin bala sa manlaen-laeng parte kan hawak, dae na nagibo pang makasalbar kan mga biktima.
Sa ngunyan, padagos pa an piggigibong imbestigasyon kan mga otoridad dapit sa nasabing insidente.
