LEGAZPI CITY- Naideklarar na bilang drug cleared barangay an Conception, Virac, Catanduanes.
Segun ki Kapitan Anthony Arcilla sa intrevista kan Bombo Radyo Legazpi na halawig na proseso an saindang pinag-agihan sa pagbabantay asin pagpasurendir kan mga drug personalities.
Aminado an opisyal na kan taong 2018, talamak an karalakaran kan iligal na droga sa barangay kaya dakulang tabang an kooperasyon kan mga barangay officials asin kan komunidad.
Pagbuyagyag kan opisyal na dakol na mga persons who used drugs an natabangan ngani na makapagbagong buhay asin ipigsairarom sa halawig na monitoring ngani na masierto na dae na magbabalik sa iligal na aktibidad.
Nagin susi man suboot an house to house visitation para sa mga personss who used drugs ngani na maituwid an saindang landas asin matabangan man na magkaigwa nin legal na kabuhayan.
Basado sa datos, nasa kabilugan na 72 an mga persons who used drugs sa barangay na kumpwesto nin 40 users asin 32 drug pushers.
Dugang pa ni Arcilla na an nagkapira sa mga PWUDs an natawan ni trabaho sa barangay ngani na magpadagos na an pagbabagong buhay kan mga ini.
Mientrastanto, sa ibong kan pagkaka deklarar bilang drug cleared, nanindugan an opisyal na ipagpapadagos man liwat an mga sustainable program ngani na maipagpadagos an mga napuunan na lakdang.
