LEGAZPI CITY- Mas pinahigot pa kan Department of Agriculture (DA) an mga pigpapaotob na protocols makalihis na makapagrehistro naman nin outbreak kan helang sa mga orig na African Swine Fever sa Milagros sa provincia nin Masbate.
Kan nakalihis sanang semana kan enot na magpositibo an samples nin mga orig na hali sa Aroroy asin ngunyan nakalakop naman an helang sa Milagros.
Sa intrevista kan Bombo Radyo legazpi kay Dr. Josefina Bañadera an Regional Animal Health Coordinator kan DA Bicol, marikas an paglakop kan virus sa mga orig sa provincia kung kaya pigpapahidali naman an culling operation o paggadan sa mga orig na nasa laog kan 500 meter radius hali sa pinagpunan kan helang.
Nagkaag naman tulos nin mga checkpoints sa banwaan nin Milagros maging sa mga pagtaraid kaining banwaan ngani na masiertong wara na nin mga karneng orig an makakaluwas sa lugar na posibleng magpalakop sana kan ASF.
Nangapudan si Bañadera sa mga hog raisers maging sa mga konsumidor na dae na magpabakal asin magbakal pa nin karneng orig na hali sa mga infected na lugar nganing mapugolan na an paglakop pa kan helang
