Sarong dae pa nabibistong lalaki an nagadan makalihis pagbabadilon kan dae pa maaraman na salarin sa Sitio Abdila, Barangay Adaon, Datu Anggal Midtimbang, Maguindanao del Sur.
Basado sa report kan pulisya, nadukayan an biktima na wara nang buhay asin nagsapo nin kadakol na tama kan bala sa manlain-laing parte kan hawak.
Nakasulot sana ini nin brown na shorts asin warang pang-itaas kan madiskubre sa pinangyarihan kan insidente.
Sa inisyal na imbestigasyon, narekober kan mga otoridad an duwang pakete kan pigtutubudang shabu kataid kan biktima.
Pig-aaram pa sa presente kan mga imbestigador kun sisay an nagadan asin kun ano an posibleng motibo kan krimen.
