LEGAZPI CITY – Napasakamot na kan mga otoridad an lalaking akusado nin rape sa syudad kan Tabaco.
Nadakop kan Tabaco City Police Station an suspek na si Aniano Bristol, 54-anyos na residente kan Barangay Panarayon, banwaan kan Bacacay.
Naarestar si Bristol sa paagi kan mandamiento de aresto na ipinaluwas ni Hon. Alben Rabe, an Presiding Judge kan Regional Trial Court Branch 16 kan Tabaco.
Nasa kustodiya na ini ngunyan kan nasambitan na pulisya ngani na kahampangon an kaso kontra saiya.
