Nagkusog pa an bagyo sa luwas kan Philippine Area of Responsibility (PAR) mantang padagos na nakaka apektar an Northeast Monsoon o Amihan sa Luzon asin Visayas.
Huli digdi, laoman an malipot na panahon asin mga pag-uran sa nagkapirang parte kan nacion.
An tropical storm Nuri an huring namataan sa rayong 1,290 km sirangan kan Eastern Visayas.
May kusog an paros kaini na nasa 65 km/h asin pagbugso na hasta sa 80 km/h.
Enkasong makalaog sa PAR, tatawan ini nin local name na Butchoy bilang ika-duwang raot nin panahon sa presenteng taon.
Mientras tanto, an trough kan tropical storm an nakaka apektar sa sirangan na parte kan Mindanao na posibleng magdara nin mga pag-uran.
