LEGAZPI CITY-Naglansar an Bureau of Internal Revenue (BIR), sa pamamayo ni Commissioner Charlito Martin R. Mendoza, nin bagong BIR Audit Program nganing pakusugon an risk-based audits asin accountability sa bilog na nacion.
Basado sa Revenue Memorandum Order (RMO) No. 22-2026 na pinirmahan kan Agosto 24, 2026, pinagsararo kan ahensya an mga nakaaging programa kaini nganing magkaigwa nin general na mga mandato para sa mga tax audit.
Sa irarom kan bagong sistema, an Single-Instance Audit Framework pinapakusog, na kun sain pagkagabsang
nililimitahan sa sarong electronic Letter of Authority sana an pag-audit kan sarong taxpayer kada taxable year.
Gagamiton man kan BIR an mga prosesong automated asin anonymize sa pagpili kan mga prayoridad na kaso base sa risk-based data nganing mabawasan an personal na discretion kan mga opisyales.
Afuera digdi, an “Audit of Auditors” o Revalida pig-establisar nganing masierto na an mga tax assessment na ipinaluwas nagsusunod sa maninigong proseso, asin sa ley.
