Sarong bagong pangaki na omboy an nahiling na wara nang buhay sa sarong irrigation canal sa Barangay Katanggawan, General Santos City.
Nahiling kan pirang residente na harani sa canal an omboy na nakalubog sa tubig, sin tulos na ipigtaong-aram sa mga awtoridad.
Basado sa imbestigasyon kan Scene of the Crime Operatives (SOCO), posibleng limang oras nang nakalubog sa tubig an omboy antes ini madiskubre.
Sinabi kan mga residente na dae pa natatanggal an umbilical cord o pusod kan omboy kan mahiling ninda ini.
Segun sa pulisya, nagsasagibo na sinda nin imbestigasyon, kun sain buminalik sinda sa lugar nganing maghanap nin posibleng testigo, asin nganing maaraman kun sisay an posibleng ina na warang herak na nagtapok kan saiyang omboy sa irrigation canal.
Sinabi kan pulisya na posibleng mahampang an ina sa kasong infanticide.
