LEGAZPI CITY – Pokus kuta ngunyan kan Albay Police Provincial Office na masolusyunan an mga nangyayaring traffic accident alagad mas nagdakol suboot ngunyan an insidente nin pambabadil.
Segun ki PC/Insp. Arthur Gomez, tagapagtaram kan Albay PPO, kun ikukumpara an datos kan nakalihis na taon, mas nagdakol ngunyan an kaso kan shooting incident kesa sa aksidente sa tinampo kun kaya segun ki Gomez, mas kinakaipuhan ngunyan an tigil-putukan o ceasefire sa mga rebeldeng New People’s Army ngane na dae na madamay pa an mga sibilyan.
Apwera pa kaini, nagdo-double time naman suboot an personahes sa syudad kan Legazpi huli sa ini an sentro ngunyan kan pangho-holdap na kadaklan motorcycle riding criminal.
Komon kaya nguyan sa syudad na mga motor na warang plaka an suspek sa mga nasabing pangho-holdap.
Katakod kaini, nag-olay naman suboot an PNP, Land Transportation Office (LTO) asin mga dealers kan motor na dae magpaluwas nin mga motorsiklo na wara nin plate numbers.
Segun sa opisyal, dapat wara na suboot na may majihiling na for registration plate o no plate available an mga pigluwas pa sanang motor.
Kaipuhan suboot kan parabakal na piriton an dealer na magtao nin plate number alagad kun dae, an mismong dealer suboot an mabayad kan penalidad.
