LEGAZPI CITY — Matrayumpong nabawi kan mga otoridad an labi sa P500,000 na na-hold up sa sarong lalaki sa Barangay Palapas banwaan kan Pio Duran, Albay.
Sa intrevista kan Bombo Radyo Legazpi kay Pol. S/Insp. Joseph Harabejo, hepe kan Pio Duran Municipal Police, naging madali an pagrekober sa nasambitan na kantidad nin kwarta makalihis kusangmagsurendir an saro sa mga suspek sa pangho-hold up.
Pag-istorya kan hepe, sinugo an biktima na si Warren Macinas, 26-anyos kan foreigner kaining karelasyon na mag-withraw nin kwarta na gagastuson sa pagpapakarahay kan nabakal na resort kan bigla ining tambangan asin tutukan nin badil kan mga suspek.
Nabisto an mga suspetsado na sinda Gilbert Cadag, Elesio Lopera, Jessie Malto Madridano asin Reginald Bonete na bayaw kan biktima asin ipigtutukdong mastermind sa insidente.
Napag-araman na makalihis an nagkapirang oras, nagsurendir si Madridano sa mga otoridad asin ipigtukdo an mga kaibanan kaini na tulos man na naarestar.
Sa presente, pighahanda na kan mga otoridad an kasong possesion of illegal firearms asin robbery kontra sa mga suspek.
