LEGAZPI CITY- (Update) Magabat na problema sa pamilya an ipigtutukdong rason kan paghuhugot kan sarong babaye sa Brgy. Tumpa, banwaan kan Camalig, Albay.
Nadiskubre kan tugang kaini an haros wara nang buhay na lawas ni Marianne Balingasa, 48 anyos.
Nagibo pa man na maidalagan sa ospital an nasabing babaye alagad dae na naisalbar pa kan mga doktor.
Sa intrevista kan Bombo Radyo Legazpi ki PC/Insp. Darwin Asejo, hepe kan pulisya sa nasabing banwaan, pigtutubudan na naghugot an biktima sa paagi kan pag-inom nin panghudong sa mga peste sa oma.
Sa testimonya kan tugang ni Balingasa, nasa irarom suboot ini kan emotional stress katakod kan kawaran nin trabaho asin pagtetenir sa pigdadagusan na harong makalihis na ma-stroke.
Dugang pa sa mga pig-iisip kaini an pagkakarayo sa 13-anyos na aking lalaki na nasa banwaan kan Cainta sa Rizal na ngonian nagtetenir.
Bako man ini an enot na bes na binalo kaining tapuson an buhay.
