Sarong babae sa Tsina an nakaligtas pagkatapos na saksakon nin 22 beses sa daghan sa tabang kan saiyang silicone breast implants!
Nangyari an insidente sa sarong shopping mall sa South Eastern China.
Segun sa imbestigasyon, pinirit na pinasakay kan suspechado an 30 anyos na victima sa saiyang lunadan sa parking area asin tinakot kaini nin kutsilyo asin pinirit na magmaneho pasiring sa sarong lugar.
Mantang nasa byahe, pinirit siya kan suspechado na maghanap nin kwarta na ipadara saiya asin itao sa suspechado.
Nagin oportunidad man ini nganing maghagad nin tabang an babayi.
Sa tabang kan saiyang nobyo, na-trace kaini an GPS location kan biktima sa tabang kan mga pulis.
Alagad, pag-abot kan mga pulis, bigla na sanang sinaksak kan suspechado an biktima sa daghan antes sinaksak an saiyang sadiri rason kan pagkagadan kaini.
Maswerteng nakaligtas an biktima asin segun sa mga doktor na saro sana an tama kaini sa baga.
Segun sa biktima, kakatapos niya pa sanang magsairarom sa breast augmentation surgery asin an silicone implant nakaharang sa saksak na posible niya kutang ikinagadan.
